Sinjalizimi

Agjencioni për Financim në Kosovë (tutje AFK) është subjekt ligjor sipas LIGJI Nr. 06/L -085 PËR MBROJTJEN E SINJALIZUESVE dhe përshtatshmërisht me obligimet që rrjedhin nga ky ligj, AFK, ka përcaktuar rregullat dhe procedurën e sinjalizimit, të drejtat dhe mbrojtjen e sinjalizuesve, si dhe obligimet tjera që lidhen me sinjalizimin.

Në kuadër të kësaj, AFK, ka ndërmarrë hapat dhe veprimet e nevojshme në realizimin e çështjeve kryesore në raport me mbrojtjen e sinjalizuesve dhe ndër më të rëndësishmet janë si vijojnë:

• Hartimin e politikave për pranimin dhe trajtimin e rasteve të sinjalizimit;
• Caktimin e zyrtarit përgjegjës për sinjalizim;
• Krijimin e kanaleve (linjave) të raportimit të sinjalizimeve;
• Përpilimin e formularëve përkatës për raportimin e sinjalizimeve;
• Hartimin e udhëzimeve me shkrim për informimin dhe ndërgjegjësimin e stafit sipas kërkesave ligjore.

Për të pasur qasje të plotë në udhëzimet me shkrim, politikën e AFK-s për pranimin dhe trajtimin e rasteve të sinjalizuara dhe në formularët respektivë që ndërlidhen me sinjalizimin, hyni përmes vegëzave si mëposhtë:

Vëmendje!

E bëjmë të qartë se:

• Paraqitjen apo raportimin e rasteve që kanë të bëjnë me konflikte apo raporte jo normale ndërpersonale dhe ndërkolegiale, si dhe veprimet apo sjelljet tjera lidhur me ngacmimet, diskriminimet apo cështjet tjera të marrëdhënies së punës nuk hyjnë në fushëveprimin e sinjalizimit dhe si të tilla nuk duhet të paraqiten/raportohen nga ndonjë punonjës, në këtë mekanizëm/platformë raportimi, por të njëjtat duhet të raportohen tek përgjegjësi juaj direkt apo tek departamenti i burimeve njerëzore, të cilat më pastaj trajtohen përmes mekanizimit të ankesave të të punësuarve, në përputhje me politikën për trajtimin e ankesave të të punësuarve.
• Ankesat apo pretendimet e klientëve apo personave tjerë jashtë AFK-së, që kanë të bëjnë me pakënaqësitë e tyre lidhur me shërbimet dhe produktet e ofruara nga AFK-ja, si dhe me sjelljet e jo të mira (të pahijshme apo joetike) të stafit të AFK-së në raport me ta, nuk duhet të raportohen/adresohen për trajtim përmes kësaj platforme dhe këtij mekanizmi të sinjalizimit, por ato duhet të raportohen/adresohen për trajtim tek platforma tjetër që është mekanizmi i ankesave për klientët.

Kontaktet e zyrtarit përgjegjës për Sinjalizim: