Informata rreth produktit - Kredi e gjelbër - GEFF

Programi GEFF i BERZH në Ballkanin Perëndimor është bashkë-financuar nga Bashkimi Evropian përmes Kornizës së Investimeve të Ballkanit Perëndimor, Austrisë, Japonisë, Danimarkës dhe Austrisë e Zvicrës përmes Partneritetit me Ndikim të Lartë në Veprimin Klimatik (HIPCA)*.

*HIPCA e BERZH mbështetet nga Austria, Kanada, Finlanda, Gjermania, Holanda, Koreja e Jugut, Spanja, Zvicra, TajvaniICDF, Mbretëria e Bashkuar dhe Shtetet e Bashkuara të Amerikës.

Targeti:

Kredia e gjelbër është produkt i dizajnuar nga GEFF dhe i ofrohet klientëve të AFK që kanë paga të qëndrueshme apo biznes aktiv, me qëllim të financimit të projekteve dhe /ose komponentëve të projektit, të cilat kanë efekt në kursimin e energjisë.

Qëllimi i kredisë:
Këto kredi shfrytëzohen në punime izolimi (zarfi mbështjellës i objektit), blerjen e pajisjeve dhe makinerive për biznese, izolimin e shtallës, makinerive bujqësore, si dhe blerjen e pajisjeve shtëpiake.

Shuma e kredisë: 50 – 25,000€
Afati i kthimit: 2 – 60 muaj
Pa ndalesa administrative

Për të qenë i kualifikuar për të marrë kredi nga AFK, aplikanti duhet të plotësoj këto kushte:

Aplikanti duhet të jetë qytetar rezident i Republikës së Kosovës.
Aplikanti duhet të ketë letërnjoftim ose pasaportë të vlefshme të Republikës së Kosovës, dhe duhet të jetë mbi moshën 18 vjeç.

Apliko online dhe njëri prej analistëve tonë kreditor do të ju kontaktoj brenda ditës.

Parametrat e kredisë

Kush është i përshtatshëm për tu bërë pjesë e programit:

Kategoritë në vazhdim të huamarrësve janë të përshtatshëm për hua në kuadër të këtij programi.

Individë të cilët kanë në pronësi ose jetojnë në një shtëpi apo banesë në të cilën planifikojnë që të implementojnë investimin e përshtatshëm
Grupe të individëve, shoqatat për banim, shoqatat e pronarëve të ndërtesave shumëkatëshe ose organe të tjera ekuivalente të cilat përfaqësojnë interesat e banorëve.
Ofruesit e shërbimeve, si Kompanitë e Menaxhimit të Strehimit dhe Kompanitë për Shërbime Energjetike (ESCO) që ofrojnë mirëmbajtje, drejtim, instalim, konstruksion, rinovim ose shërbime të ngjashme sipas marrëveshjeve kontraktuale me individë dhe me Shoqatat e banimit.

Çfarë është e pranueshme?:

Financimi në kuadër të programit GEFF për Ballkanin Perëndimor është i mundshëm për masat e mëposhtme që kontribuojnë në reduktimin e konsumit të energjisë dhe emetimeve të CO2 në sektorin e banimit:

Ventilim
Dyert e jashtme
Dritare me xhama të dyfishtë/trefishtë
Izolimi i mureve
Izolimi i dyshemeve
Pompa te nxehtesise me energji elektrike
Rezervuare të ujit të ngrohtë
Sistem diellor fotovoltaik
Panele diellore për ujë të ngrohtë
Izolimi i çatisë
Ndriçim efiçient
Pajisjet shtëpiake
Kaldaja/bojler efiçient me biomasTeknologjitë, pajisjet dhe materialet që janë pjesë e një kategorie financimi janë të listuara në Selektorin e Teknologjisë. Të gjitha produktet e listuara në Selektorin e Teknologjisë janë të miratuara paraprakisht dhe për këtë arsye kualifikohen për financim në kuadër të GEFF pa ndonjë miratim shtesë. Financimi është i mundshëm për individët që zotërojnë ose banojnë në një shtëpi ose apartament në të cilin ata synojnë të zbatojnë investimin e pranueshëm.

Kushtet e pagimit të granteve

Në mënyrë që të jenë të pranueshëm për grante, huamarrësit duhet t’i respektojnë rregullat e pranueshmërisë të Projektit dhe të ofrojnë dëshmi se teknologjitë e financuara janë blerë dhe instaluar.Ju lutemi shikoni më poshtë një përmbledhje të shkurtër të kushteve dhe vizitoni faqet e lidhura për më shumë informacione. Për t’u bërë pjesë e Programit GEFF, klienti duhet fillimisht të aplikojë për Kredi të Gjelbër në AFK dhe të marrë miratimin për teknologjitë që do të instalohen në shtëpinë e tij. Vetëm pasi të jetë miratuar kredia dhe teknologjitë, klienti mund të vazhdojë me blerjen dhe instalimin e tyre.
Pas instalimit të teknologjive të miratuara, klienti mund të kërkojë verifikim dhe grant përmes Sistemit të Menaxhimit të Verifikimit të kredisë nga GEFF. Pasi të verifikohet që keni instaluar teknologjitë e gjelbra në shtëpinë tuaj, do ju transferohet granti në llogarinë tuaj.Të gjitha rregullat në lidhje me verifikimin për grant janë të detajuara në Termat dhe Kushtet e Programit Kreditor për Financimin e Ekonomisë së Gjelbër (GEFF) i Bankës Europiane për Rindërtim dhe Zhvillim (BERZH) për pagesën e granteve. Projekti mund të konsiderohet i pranueshëm për grante nëse:

Përfshin teknologjitë, pajisjet dhe materialet e listuara në Selektorin e Teknologjisë (“Teknologjitë e para-aprovuara”) ose ato teknologji, pajisje dhe materiale të cilat Konsulenti i Projektit i ka përcaktuar si të pranueshme gjatë vlerësimit të pranueshmërisë.
Të gjitha teknologjitë e përshkruara në dokumentat e dorëzuara (kryesisht në fatura) janë instaluar në vendbanimin e shënuar në Kërkesën e Verifikimit.
Teknologjitë janë instaluar në ambiente banimi (shtëpi ose apartament) që nuk përdoren dhe nuk do të përdoren për qëllime biznesi.
Nuk përfiton dhe nuk do të përfitojë asnjë subvencion/grant tjetër (p.sh. tarifa nxitëse, subvencion i Bashkisë/Qeverisë, subvencionim i një projekti tjetër etj.).
Teknologjitë/produktet e vendosura nuk janë të dyfishuara në të njëjtin ambient banimi.
Huaja/kredia e marrë tek Partnerët financiarë me qëllim financimin e teknologjive/produkteve të pranueshme është ende duke u shlyer në momentin e verifikimit të projektit.
Më sipër janë theksuar vetëm kërkesat bazë në bazë të të cilave përcaktohet pranueshmëria e projektit për verifikim dhe pagesa e granteve. Ju lutemi lexoni Termat dhe Kushtet e plota të Programit Kreditor për Financimin e Ekonomisë së Gjelbër (GEFF) për të aplikuar për grant pasi ato përmbajnë të gjitha kushtet e aplikueshme.

Shënim: Pajisjet shtëpiake (frigoriferët, ngrirësit dhe kondicionerët) nuk janë të pranueshëm për grante.

Kalkulatori i Eficiencës së Energjisë nga GEFF.

Shiko çmimoren e shërbimeve. Për informata shtesë mos hezitoni të na kontaktoni!

Kredi e gjelbër – GEFF

Informata rreth produktit - Kredi e gjelbër - GEFF

Parametrat e kredisë

Abonohu për ofertat dhe lajmet më të reja!